اكرهيني

اكرهيني كان يطلع لك مجال
واتركيني كان نوري يجهرك

فلسفات الكره تحتاج لسؤال
والجواب أكيد قلتي : مظهرك

أعترف لك : شين وكويحة وخال
لكن الأخلاق عندي تبهرك

واعترف : مليت وهمومي ثقال
كان قربك ليل مابي أسهرك

وأعترف لي قلب مايملك حلال
خاطبوه الناس قالوا : مطهرك

وش يفيد الشكل وأنواع الجمال
مع بليد إحساس؟ والله يقهرك

لامتى تقفين وتقولي : تعال
جربي غيري وربي : ينهرك

بكتفي بأبيات يتبعها مقال
لا تظنين ( التكبر ) يشهرك

اكرهيني موت يا ثلج الشمال
أشرقت شمسي وبكره تصهرك